AM:01:28:16/01/2025
144 جار خوێندراوەتەوە
+
-
لە جامی شای ئیسپانیا بەرشەلۆنە بە پێنج گۆڵ بەرامبەر بە گۆڵێک لە ریاڵ بیتیسی بردەوە و گەیشتە قۆناغی چارەکی کۆتایی.
لە یارییەکی قۆناغی 16ی جامی شای ئیسپانیا بەرشەلۆنە و ریاڵ بیتیس رووبەرووی یەکتر بوونەوە.
تایمی یەکەم، لە سەرەتاوە بلاوگرانا بە بەهێزی دەستیپێکرد و لە خولەکەکانی سێ و 27 دوو گۆڵیان لە رێگەی گاڤی و کۆندی تۆمارکرد، نیوەی یەکەمیش بەو ئەنجامە کۆتایی هات.
لە تایمی دووەم، بەرشەلۆنە سێ گۆڵی دیکەشی لە خولەکەکانی 58 و 67 و 75 تۆمارکرد، گۆڵەکانیش رافینیا و تۆرێس و یامال تۆماریان کرد.
هەرچەندە ریاڵ بیتیس لە خولەکی 84 گۆڵێکی لە رێگەی لێدانی سزا لە لایەن ڤیتۆر رۆکی تۆمارکرد بەڵام کاریگەری لەسەر ئەنجامی کۆتایی نەبوو.
سەرەنجام یارییەکە بە پێنج گۆڵ بەرامبەر بە گۆڵێک کۆتایی هات، بەرشەلۆنە بەو ئەنجامە گەیشتە قۆناغی چارەکی کۆتایی.
بیلال کاکە