AM:12:54:16/01/2025
44 جار خوێندراوەتەوە
+
-
لە خولی ئیتاڵیا ئینتەر دوو خاڵی گرنگی لەدەستدا دوای ئەوەی نەیتوانی بردنەوە بەسەر بۆلۆنیا بەدەستبهێنێت.
لە یارییەکی دواخراوی هەفتەی 19ی خولی ئیتاڵیا، یانەی ئینتەر میلان لە یاریگای جیۆسێپی میاتزا میوانداری یانەی بۆلۆنیای کرد.
لە تایمی یەکەمدا و لە خولەکی 15 سانتیاگۆ کاسترۆ گۆڵێکی بۆ بۆلۆنیا تۆمارکرد و دواتر لە خولەکی 19 دێنزیل دۆمفرێس ئەنجامەکەی بۆ ئینتەر یەکسانکردەوە.
دواتریش لە خولەکی یەکی زیادکراو لاوتارۆ مارتینێز گۆڵێکی بۆ ئینتەر تۆمارکرد و تایمی یەکەم بە دوو گۆڵ بەرامبەر گۆڵێک لە سوودی ئینتەر کۆتاییهات.
لە تایمی دووەمدا و لە خولەکی 64 ئیمێل هۆلم گۆڵێکی تری بۆ بۆڵۆنیا تۆمارکرد و سەرەنجام یارییەکە بە یەکسانی و بە دوو گۆڵ بۆ هەردوو یانە کۆتاییهات.
بەو ئەنجامە، ئینتەر بە کۆکردنەوەی 44 خاڵ چووە پلەی دووەمی ریزبەندی و بۆلۆنیاش لە پلەی هەشتەمدایە بە 30 خاڵ.
خ . ک