PM:01:40:15/01/2025
140 جار خوێندراوەتەوە
+
-
ئارسناڵ
دەیەوێت زوبیمێندی لە یانەی ریاڵ سۆسیداد بگوازێتەوە ریزەکانی بە ئامانجی
بەهێزکردنی هێڵی ناوەراست.
مارتن زوبیمێندی
ئیسپانی و ئەستێڕە یانەی ریاڵ سۆسیداد بە ئاستە سەرنج راکێشەکەی سەرنجی زۆرێک لە
یانە گەورەکانی ئەوروپای بۆخۆی راکێشاوە، بەتایبەت ریاڵ مەدرید و مانچستەر سیتی و
لە ئێستایشدا ئارسناڵ.
فابریزیۆ رۆمانۆی رۆژنامەنووسی ئیتاڵی بڵاویکردووەتەوە گەنەرز بەشێوەیەکی
جدی بیر لە گواستنەوە زوبیمێندی دەکاتەوە و ئارتێتا سەرسامە بە ئاستی ئەو
یاریزانە.
گرێبەستی
یاریزانەکە لەگەڵ یانەکەی لە حوزەیرانی ساڵی 2027 کۆتایی پێدێت و سۆسیداد بە
ئاسانی دەستبەرداری ئەستێرەکەی نابێت.
سەرچاوەکە
ئەوەی ئاشکراکردووە ئارسناڵ دەیەوێت لەگەڵ زوبیمێندی ڕێککەوتن ئەنجام بدات و پاشان
بڕگەی ئازادکردنی گرێبەستەکەی کە 60 ملیۆن یۆرۆیە بداتە یانە ئیسپانییەکە.
مارتن
زوبیمێندی 25 ساڵان تەنها یاری بۆ یانەی ریاڵ سۆسیداد ئەنجامداوە و لەم وەرزەیشدا
لەگەڵ یانەکەی بەشداری 22 یاری کردووە و گۆڵێکی تۆمارکردووە و دووگۆڵیشی بۆ
هاورێکانی دروست کردووە.
س.چ