PM:10:18:13/01/2025
216 جار خوێندراوەتەوە
+
-
یانە ئێرانییەکانی مافی یاریکردنیان لە یاریگای خۆیاندا
وەرگرتەوە و ئەمەش واتای ئەوەیە رۆناڵدۆ دەچێتەوە بۆ ئێران.
مێهدی تاج، سەرۆکی یەکێتی تۆپی پێ ئێران، گەڕانەوەی مافی
میوانداریکردنی نوێنەرانی ئێرانی لە کێبڕکێ نێودەوڵەتییەکان ڕاگەیاند، تاج لەو
بارەیەوە وتی: یانە ئێرانییەکان مافی میوانداری یارییە نێودەوڵەتییەکانیان بۆ گەڕاوەتەوە
و هاندەرانی ئیستقلال و پێرسپۆلیس دەتوانن لە نزیکەوە سەیری یارییە یانەکانیان بکەن.
هەروەها ڕاشیگەیاند
کە یاریگای ئازادیش ڕەزامەندی لەسەر دراوە بۆ میوانداریکردنی یارییەکانی ئیستقلال
و پێرسپۆلیس و هیچ کێشەیەک لەم ڕووەوە نییە.
بەپێی قسەکانی سەرۆکی یەکێتی تۆپی پێی ئێران، یارییەکانی ئیستقلال و پێرسپۆلیس بەرامبەر بە شورتەی
عێراقی و نەسری سعودی لە چامپیۆنز لیگی ئاسیا لە تاران بەڕێوەدەچێت.
ئەمەش واتای ئەوەیە بەم نزیکانە رۆناڵدۆ بە ئەگەرێکی زۆرەوە
جارێکی تری دەگەڕێتەوە بۆ ئێران، چونکە لە 17ی مانگی داهاتوو یانەی نەسڕ روبەڕووی
پێرسپۆلیس دەبێتەوە لە چامپیۆنزلیگی ئاسیا.