PM:02:41:07/01/2025
160 جار خوێندراوەتەوە
+
-
رۆناڵدۆ داوای
گواستنەوەی کاسیمیرۆی کردووە و یاریزانەکەش دەیەوێت پریمەر لیگ جێبهێڵێت.
رۆژنامەی ئەلیەومی
سعودی بڵاویکردەوە، کارلۆس کاسیمیرۆی بەرازیلی و ناوەڕاستکاری مانچستەر یونایتد لە
بارودۆخی خۆی نیگەرانە لە یانە ئینگلیزیەکە و بیری لە رۆیشتن کردووەتەوە.
رۆژنامەکە ئاماژەی
بەوەداوە، کریستیانۆ رۆناڵدۆی ئەستێرەی نەسڕی سعودی داوای لە بەرپرسانی یانەکەی
کردووە گرێبەست لەگەڵ کاسیمیرۆ ئیمزابکەن چونکە دڵنیایە لەوەی زۆرترین سوودی دەبێت
بۆیان.
نوسیویشیەتی،
بەرپرسانی مان یونایتدیش لارییان نییە لە فرۆشتنی ئەستێرە بەرازیلییەکە و لە
ئێستاشدا لە گفتوگۆدان لەگەڵ یانە سعودییەکە و هیوادارن بگەنە رێککەوتنی کۆتایی
لەگەڵیان.
دەشڵێت، سعودییەکان
ئۆفەریکی گەورەیان پێشکەشی کاسیمیرۆ کردووە کە مووچەی هەفتانەی 650 هەزار پاوەندە
لە کاتێکدا مووچەکەی ئێستای لە مانچستەر یونایتد 320 هەزار پاوەندە.
رونیشیکردووەتەوە،
سندوقی وەبەرهێنانی سعودی ئامادەن بڕی 30 ملیۆن یۆرۆ پێشەکشی مانچستەر یونایتد
بکەن بەرامبەر دەستبەرداربوون لەو یاریزانە لە کاتێکدا لە هاوینی ساڵی رابردوو
یانە ئینگلیزیەکە ئۆفەرێکی 70 ملیۆن یۆرۆی سعودییەکانی رەتکردبووەوە بۆ فرۆشتنی
هەمان یاریزان.