PM:11:46:07/01/2025
280 جار خوێندراوەتەوە
+
-
لە جامی شای سعودییە ئیتیحاد بە لێدانی یەکلاکەرەوە
شکستی بە هیلال هێنا و گەیشتە قۆناغی پێش کۆتایی.
لە قۆناغی چارەکی کۆتایی جامی شای سعودییە، هەردوو یانەی
ئیتیحاد و هیلال روبەڕووی یەکتر بوونەوە.
لە تایمی یەکەم سەرەڕای هەوڵەکانی هەردوولا هیچ گۆڵێک
نەبینرا.
لە تایمی دووەم، لە خولەکی 63 کەریم بنزیمە گۆڵێکی بۆ
ئیتیحاد تۆمارکرد بەڵام زۆری نەخایاند و لە خولەکی 72 سالم دەوسەری ئەنجامەکەی
یەکسانکردەوە، پاش ئەوەش گۆڵی تر نەبینرا و کاتی یاسای یارییەکە بەو ئەنجامە
کۆتایی پێهات و پاشان پەنابرایە بەر دوو تایمی زیادکراو.
لە تایمی یەکەمی کاتی زیادکراوی هیلال لە خولەکی 101
گۆڵی دووەمی تۆمارکرد بەڵام لە خولەکی 114 بنزیمە ئەنجامەکەی بۆ ئیتیحاد یەکسانکردەوە
پاشان پەنا برایە بەر لێدانە یەکلاکەرەوەکان و تێیدا ئیتیحاد بە سێ گۆڵ بەرامبەر
بە گۆڵێک بردنەوەی بەدەستهێنا و گەیشتە قۆناغی پێش کۆتایی.
لە یاریییەکی تریشدا، یانەی قادیسیە بە سێ گۆڵی بێوەڵام
شکستی بە تەعاون هێنا.