PM:06:41:06/01/2025
168 جار خوێندراوەتەوە
+
-
کیێزا بە هیچ جۆرێک نیازی جێهێشتنی لیڤەرپولی نییە و
دانوستانی لەگەڵ ناپۆلیش نەکردووە.
فیدریکۆ کیێزا هاوینی ساڵی رابردوو بەبڕی 16 ملیۆن یۆرۆ
لە یۆڤانتۆسەوە پەیوەندی بە لیڤەرپولەوە کرد، بەڵام تا ئێستا بەهۆی پێکانەوە تەنیا
چەند خولەکێکی کەم یاری کردووە لە تەواوی پاڵەوانێتییەکان، ئەمەش وایکرد بەشێکی
رۆژنامەکان باس لە دەنگۆی جیابوونەوەی لەگەڵ ریدز بکەن.
ناپۆلی وەک شوێنێکی ئەگەری بۆ کیێزا لەلایەن میدیاکانەوە
ناسێندرا کە بە خواستن رووی لێبکات لەم مانگەدا، بەڵام فالی رەمەزانی بەڕێوبەری
کارەکانی یاریزانەکە بە تۆڕی 365 سکۆری میسری ڕاگەیاند، کیێزا لە زستاندا لیڤەرپول
جێناهێڵیت و لەگەڵ یانەکە بەردەوام دەبێت.
باسی لەوەشکرد، بە هیچ جۆرێک دانوستانیان لەگەڵ ناپۆلی
نەکردووە و یاریزانە تەمەن 27 ساڵانەکە لەگەڵ لیڤەرپول درێژەی بە یاریکردنی دەدات
و بەم زوانەش جێگەی خۆی لە یانەکەدا دەکاتەوە.