PM:05:10:06/01/2025
200 جار خوێندراوەتەوە
+
-
بەرشەلۆنە لە تۆمارکردنی ناوی ئۆلمۆ و ڤیکتۆر بێهیوا نەبووە
و هەردووکیان گەشتی سعودیە دەکەن.
بارودۆخی بەرشەلۆنە رۆژ لەدوای رۆژ خراپتر دەبێت و فشارەکان
لەسەر بەڕێوەبەرانی ئەم یانەیە بەتایبەت خوان لاپۆرتا زیادی کردووە بەهۆی ئەو ڕووداوەی
کە لە چەند ڕۆژی ڕابردوودا بەسەر ئۆلمۆ و پاو ڤیکتۆردا هات و ناویان لەلایەن
لالیگاوە تۆمارنەکرا.
لالیگا بە ئاماژەدان بە یاساکانی خۆی ڕایگەیاند کە ئامادە
نییە گرێبەستی ئۆلمۆ و ڤیکتۆر بۆ نیوەی دووەمی ئەم وەرزە تۆمار بکات، چونکە بەڵگەنامەکانی
بەرشەلۆنە لە کاتی خۆیدا تەواو نەبوون، یەکێتی تۆپی پێی ئیسپانیاش پشتگیری ئەم بڕیارەی
کرد.
بەڵام پێدەچێت ئێستاش بەڕێوەبەرانی ئەم یانەیە بێ هیوا نەبوون
و هیوادارن تانە دانیان لەسەر بڕیارەکە سەربگرێت، ڕۆژنامەی مۆندۆ دیپۆرتیڤۆش بڵاویکردەوە،
ڤیکتۆر و ئۆلمۆ لەگەڵ یاریزانانی تری بەرشەلۆنە گەشت دەکەن بۆ سعودیە بۆ ئەنجامدانی
جامی سوپەری ئیسپانیا، فلیک و بەڕێوەبەرانی ئەم یانەیەش هیوادارن بڕیارەکەی دادگا
لە بەرژەوەندی ئەوان بێت و بتوانن یاری بەو دوو یاریزانە بکەن بەرامبەر بلباو.
جێی باسە، شەوی چوارشەممە یانەی بەرشەلۆنە لە قۆناغی پێش
کۆتایی جامی سوپەری ئیسپانیا بەرامبەر ئەتلەتیک بلباو یاری دەکات و ئەگەر ئەم یارییە
بباتەوە ئەوا دەبێت لە یاری کۆتاییدا بەرامبەر براوەی ڕیاڵ مەدرید و مایۆرکا یاری
بکات.