PM:03:25:06/01/2025
260 جار خوێندراوەتەوە
+
-
ریاڵ مەدرید زوبیمێندی وەک جێگرەوەی کرووس
دیاریکردووە و سۆسیدادیش دەستبەرداری دەبێت.
تۆریرێلیڤیۆ بڵاویکردووەتەوە، ریاڵ مەدرید
بەتەواوی هەوڵەکانی خستوەتەگەڕ بۆ گواستنەوەی مارتن زوبیمێندی ئیسپانی و
ناوەڕاستکاری ریاڵ سۆسیداد، مێرەنگی یاریزانەکە بە گونجاوترین شوێنگرەوەی تۆنی
کروسی ئەڵمانی دادەنێت.
لە نێو ماڵی یانەکەی مەدرید هەمووان کۆکن پێویستیان
بە شوێنگرەوەی تۆنی هەیە، لەگەڵ ئەوەشدا پێویستە ژمارەی یاریزانە ئیسپانییەکانی
تیپەکەیان زیاد بکەن، بۆ ئەو ئەرکەش جیا لە زوبیمێندی کەس بە شایستەتر نابینن.
ئەمە لە کاتێکدایە، هاوینی رابردوو لیڤەرپوول ئۆفەرێکی فەرمی بۆ گواستنەوەی زومبێندی
پێشکەش بە سۆسیداد کرد، بەڵام یاریزانەکە ئامادە نەبوو یانەکەی جێبهێڵێت و
ئۆفەرەکەی رەتکردەوە، بەڵام
ئێستا تۆڕە ئیسپانییەکە جەختی لەسەر ئەوە کردوەتەوە سۆسیداد بەرامبەر ریاڵ مەدرید
خۆی بەدەستەوە دەدات و دەستبەرداری یاریزانەکەی دەبێت.