PM:03:09:06/01/2025
120 جار خوێندراوەتەوە
+
-
پێش روبەڕوبوونەوەی هیلال گورزێکی کوشندە بەر
ئیتیحاد کەوت و بنزیما و دیابی تووشی پێکان بوون.
یانەی ئیتیحاد ئامادەکاری بۆ یاری بەرامبەر هیلال
دەکات، کە بڕیارە سێشەممە لە یاریگای کینگدۆم ئارێنالە ریاز و لە چوارچێوەی قۆناغی چارەکی کۆتایی
جامی شای سعوودیە روبەڕووی ببێتەوە.
پێش ئەم یارییە، رۆژنامەی ئەلیۆمی سعودی رایگەیاند، کەریم بنزیما و موسا دیابی دوو ئەستێرەی یانەی ئیتیحاد
بەهۆی پێکانەوە بەشداری مەشقەکانی تیپەکەیان نەکردووە.
ئەم رۆژنامەیە باسی وردەکاری جۆری پێکانی ئەو دوو
یاریزانەی نەکردووە، بەڵام جەختی لەوە کردووەتەوە، پشکنینی پزیشکییان بۆ دەکرێت و
ئامادە بوون یان نەبوونیان پێش یارییەکە یەکلایی دەکرێتەوە.
پێویستە ئاماژە بەوە بکرێت کە کەریم بنزیما بە
تۆمارکردنی 10 گۆڵ لەم وەرزەدا باشترین گۆڵکاری یانەی ئیتیحادە لە سەرجەم
پاڵەوانێتییەکان، لە بەرامبەردا دیابی گەورەترین گۆڵ درووستکاری یانەکەیە بە 10 ئەسیست.