PM:10:24:24/12/2024
140 جار خوێندراوەتەوە
+
-
کۆمپانی دوپاتیکردەوە دەیەوێت ببنە پاڵەوانی چامپیۆنز
لیگ و سوپاسی هاندەرانی بایرنیشی کرد.
لە سەروبەندی کۆتایی ساڵی 2024 ڤینسێنت کۆمپانی، ڕاهێنەری
یانەی بایرن میونشن، ئامانجە گەورەکەی تیپەکەی ڕاگەیاند بۆ ساڵی 2025، ئەویش بوون
بە پاڵەوانی چامپیۆنز لیگە.
لە چاوپێکەوتنێکیدا لەگەڵ ماڵپەڕی فەرمی بایرن میونشن،
راهێنەرەکە هیوای خواست لە ساڵی داهاتوودا دەستەواژەی هەمووان پێکەوە ببێت بە
درووشمیان، سوپاسی هاندەرانی یانەکەشی کرد کە بە شێوەیەکی زۆر باش و جوان پێشوازیان
لێکردووە و هەمیشە ئەوەی لەبیر دەبێت.
وتیشی: ئامانجی گەورەمان هەیە لە ساڵی 2025 بردنەوەی
نازناوی خولی ئەڵمانیایە، وە بەو پێیەی یاریی کۆتایی چامپیۆنزلیگی ئەمساڵ لە میونشن
بەڕێوەدەچێت، پاداشتێکی تایبەت چاوەڕێمان دەکات و دەبێت بگەینە کۆتایی، من لە
خواستی بەشداریکردن لە یاری کۆتایی چامپیۆنزلیگ تێدەگەم، بۆ بەدیهێنانی ئەم خەونەش
دەبێت هەنگاو بە هەنگاو کاربکەین.
باسی لەوەشکرد، خەڵکی میونشن لەگەڵی خێزانەکەیدا میهرەبانن
و هەر بە زووی لەگەڵ کەشی شارەکە راهاتوون، هیواشی خواست هاندەران لە شێوازی یاریکردنیان
رازی بن و چێژی لێوەربگرن.