PM:07:04:24/12/2024
220 جار خوێندراوەتەوە
+
-
بەرشەلۆنە
تووشی کێشە نەبوونی یاریگا دەبێتەوە چونکە لە کاتی خۆیدا کارەکانی یاریگای کامپنوو
تەواونابێت.
ڕۆژنامەوانەکانی
ئیسپانیا وادەی گەڕانەوەی بەرشەلۆنەیان ئاشکرا کردووە بۆ ئەوەی جارێکی دیکە یارییەکانی
لە کامپ نۆ ئەنجام بدات.
بلەوگرانا پڕۆژەی
دروستکردنەوەی یاریگای کامپ نوی بە کۆمپانیای لیماکی تورکی سپێراردبوو، ئەمەش
مشتومڕێکی زۆری بەدوای خۆیدا هێنا.
چونکە کۆمپانیاکە
یەکێک نییە لە ناوە گەورەکان لەم بوارەدا، بەڵام دەستەی کارگێڕی یانەکە بەرگری لە
بڕیارەکە کرد و ئاماژەیان بەو تێچووە کەمەی کۆمپانیاکە کرد و رایانگەیاند تاوەکوو
مانگی یەکی ساڵی داهاتوو کارەکانی تەواو دەکات.
رۆژنامەی
مارکا بڵاویکردووەتەوە، شتەکان بەو شێوەیە نەڕۆیشتوون کە چاوەڕوان دەکرا و کارەکان
بەپێی خشتەی کاتی پلان بۆ داڕێژراو تەواو نەبوون، کارگێری یانەکەش دواخستنی گەڕانەوەی
بۆ یاریگاکە بۆ مانگی شوبات ڕاگەیاند.
ئەوەی جێگەی
سەرنجە یاریگای ئێستای بەڕشەلۆنە تایبەتە بە شارەوانی وڵاتەکە و لە ساڵی داهاتوودا
بەهۆی هەندێک چالاکی هونەرییوە بارسا ناتوانێت یاری تێدا ئەنجام بدات.
لەهەمان کاتدا
پێویستە بەرشەلۆنە تا 21ی شوباتی 2025 یەکێتی ئەوروپا لەو یاریگەی ئاگاداربکاتەوە
کە بڕیارە یارییەکانی چامپیۆنزلیگی تێدا ئەنجام بدات، چونکە بە پێی یاساکانی یوفا
هەر یانەیەک بۆی هەیە لە قۆناغی کرانەدەروە تاکۆتایی پاڵەوانێتییەکە یەک یاریگا
بەکاربهێنێت.