PM:05:40:24/12/2024
228 جار خوێندراوەتەوە
+
-
سبەینێ لە جامی
کەنداو عێراق رووبەڕووی بەحرەین دەبێتەوە و سعودیەش بەرامبەر یەمەن یاریدەکات.
یارییەکانی قۆناغی
کۆمەڵەکانی جامی کەنداوی 26 بەردەوامی هەیە و سبەینێ لە کۆمەڵەی دووەمدا و لە کاتژمێر
هەشت و 30 خولەکدا، هەڵبژاردەی عێراق بەرامبەر هەڵبژاردەی بەحرەین یاریدەکات.
عێراق کە لە یاری
یەکەمدا بە گۆڵێکی بێبەرامبەر لە یەمەنی بردبووەوە دەیەوێت بە بردنەوەی ئەم یارییە
ژمارەی خاڵەکانی بۆ شەش خاڵ زیادبکات تا لە کۆتا یاری ئەم قۆناغەدا مەترسی
ماڵئاواییکردنی لەسەر نەبێت.
شێرەکانی رافیدەین
بۆ ئەم یارییە تواناکانی دوو یاریزانی بەدەستدەهێنێتەوە کە ئەوانیش رێبین سۆلاقا و
زیدان ئیقبالن.
هەر سبەینێ بەڵام
لە کاتژمێر پێنج و 25 خولەکدا، هەردوو هەڵبژاردەی سعودیە و یەمەن رووبەڕووی
یەکدەبنەوە و هەردووکیشیان لە یەکەم یارییاندا تووشی شکستهاتبوون.
خ . ک