PM:11:36:18/12/2024
136 جار خوێندراوەتەوە
+
-
بێلینگهام و گریزمان و رافینیا و دوو یاریزانی تر پاڵێوراون بۆ خەڵاتی باشترینی مانگی خولی ئیسپانیا.
پێگەی فەرمی رابیتەی خولی ئیسپانیا لە راگەیەندراوێکدا لیستی یاریزانە پاڵێوراوەکانی بۆ خەڵاتی باشترین یاریزانی کۆتا مانگی ساڵی 2024ی لا لیگای بڵاوکرەوە.
پێنج یاریزان لە لیستەکەدان و پاڵێوراون بۆ ئەو خەڵاتە کە ئەوانیش جوود بێلینگهامی ریاڵ مەدرید و رافینیای بەرشەلۆنە و ئەنتوان گریزمانی ئەتلەتیکۆ مەدرید و ساندرۆی لاس پالماس و سانسێتی ئەتلەتیک بلباون.
بێلینگهام تا ئێستا لەم مانگەدا بەشداری لە چوار یاری یانەکەی کردووە لە خولی ئیسپانیا و چوار گۆڵ و دوو ئەسیستی هەیە، رافینیاش لە سێ یاریدا تەنها دوو گۆڵی کردووە و گریزمانیش خاوەنی دوو گۆڵە لە دوو یاریدا.
لە لایەکی تریشوە، لیستی پاڵێوراوان بۆ خەڵاتی باشترین راهێنەری هەمان مانگی لا لیگا بڵاوکرایەوە کە بریتین لە دێگۆ سیمیۆنی راهێنەری ئەتلەتیکۆ مەدرید کە پاڵێوراوی یەکەمە لەگەڵ هەریەکە لە ڤالڤێردی راهێنەری ئەتلەتیک بلباو و دێگۆ مارتینێزی راهێنەری لاس پالماس.
خ . ک