PM:02:04:18/12/2024
128 جار خوێندراوەتەوە
+
-
لووکمان دەیەوێت بگەڕێتەوە بۆ پریمەرلیگ و خۆی
پێشکەش بە لیڤەرپول و مانچستەر سیتی کردووە.
ئادێمۆلا لووکمان لە ئێستادا بە یەکێک لە
یاریزانە ئاستبەرزەکانی جیهان دادەنرێت و لە چەند رۆژی رابردووشدا بەباشترین
یاریزانی ئەفریقا دیاریکرا، لە ئێستشدا ئارەزووی ئەوەیە هەیە یانەی ئەتڵانتا بەرەو
خولی ئینگلتەرا جێبهێڵێت.
بەگوێرەی زانیارییەکانی ماڵپەڕی ئەنفێڵد وەچ، یاریزانە 27 ساڵانەکە لە رێگەی نوێنەرەکانیەوە بە یانەی لیڤەرپوولی
راگەیاندووە مەیلی چوونی هەیە بۆ پرێمەرلیگ و یاریکردنی بۆ رێدز پێ گونجاوە.
ئەو سەرچاوەیە ئەوەشی زانیوە کە لیڤەر تاکە یانە
نییە لووکمان خۆی پێشکەشکردبێت، مانچستەر سیتی هەڵگری نازناوی پریمەرلیگیشی لە
هەمان نیاز ئاگادارکردووەتەوە بۆ بازاڕی گواستنەوەکانی زستانە، چونکە یانەکە تووشی قەیرانێکی سەخت بووە.
لووکمان ئەزموونی
یاریکردنی بۆ یانەکانی، چارڵتۆن و ئیڤەرتۆن و فولهام و لیستەر سیتی هەیە لە خولی
ئینگلتەرا، لە ئێستاشدا روون نییە لەڕێگای کام یانەوە دەگەڕێتەوە بۆ خولە
دڵخوازەکەی.