PM:04:50:18/12/2024
152 جار خوێندراوەتەوە
+
-
بەرشەلۆنە ئامادەکاری دەکات بۆ نوێکردنەوەی گرێبەستی لامین یامال تا هاوینی 2030.
خوان خیمینێز رۆژنامەنووس لە رۆژنامەی ئاسی ئیسپانی رایگەیاند، یانەی بەرشەلۆنە ئامادەکاری دەکات بۆ ئەوەی دووبارە گرێبەستی لامین یامال نوێبکاتەوە.
رۆژنامەنووسە ئیسپانییەکە دوپاتیکردووەتەوە، پلانەکەی بەرشەلۆنە دووبارە نوێکردنەوەی گرێبەستی هێرشبەرە لاوەکەیە بەو پێیەی ساڵی 2023 بۆ ماوەی سێ ساڵ گرێبەستەکەیان درێژکردەوە.
ئاماژەی بەوەشکردووە، فیفا رێگا نادات یاریزانێکی خوار تەمەن18 ساڵ بۆ ماوەیەکی درێژ گرێبەستەکەی نوێبکاتەوە، بەو هۆیەوە یانە کەتەلۆنییەکە دەیەوێت دوای ئەوەی یامال بوو بە 18 ساڵ تا هاوینی 2030 گرێبەستەکەی تازە بکەنەوە و موچەکەشی بۆ زیاد بکەن.
لامین یامال لە ئێستادا تەمەنی 17 ساڵە و لەگەڵ تیپی یەکەمی بەرشەلۆنە 72یاری ئەنجامداوە، سەرکەوتوو بووە لە تۆمارکردنی 13 گۆڵ و 21 ئەسیست، نرخیشی لە بازاڕی گواستنەوە 150 ملیۆن یۆرۆیە.
بیلال کاکە