PM:07:03:24/11/2024
160 جار خوێندراوەتەوە
+
-
لە خولی ئینگلتەرا سەڵاح بووە فریادرەسی
لیڤەر و بە سێ گۆڵ بەرامبەر بە دوو گۆڵ لە ساوسهامپتۆنیان بردەوە.
لە یارییەکانی هەفتەی 12ی پریمەرلیگ،
ساوسهامپتۆن لە یاریگای خۆیدا میوانداری لیڤەرپولی کرد.
لە تایمی یەکەم، لیڤەرپول بە بەهێزی
دەستپێکرد و پاش چەندین هێرش لە خولەکی 30 لەڕێگای سۆبۆسلایەوە گۆڵی یەکەمیان
تۆمارکرد، بەڵام پاش ئەوە زۆری نەخایاند و لە خولەکی 42 ئارمسترۆنگ ئەنجامەکەی بۆ
یانەی خاوەن یاریگا یەکسانکردەوە.
لە تایمی دووەم، لە خولەکی 56 ماتیۆس فێرناندێز
لیڤەرپولی شۆککرد و توانی گۆڵی دووەمی ساوسهامپتۆن تۆماربکات، بەڵام محەمەد سەڵاح
بووە فریادرەس و لە خولەکەکانی 65 و 83 دوو گۆڵی تۆمارکرد و لیڤەرپوڵی پێشخستەوە.
سەرەنجام یارییەکە بە سێ گۆڵ بەرامبەر بە دوو
گۆڵ لە سودی لیڤەر کۆتایی هات، بەو ئەنجامە رێدز بە کۆکردنەوەی 31 خاڵ پێشەنگی
ریزبەندی پریمەر لیگی گرتووە.