PM:08:30:24/11/2024
152 جار خوێندراوەتەوە
+
-
سەڵاح دوپاتیکردەوە دڵخۆشە بە ئاستی یانەکەی
و هیوادارە لە یاری داهاتوویان لە مان سیتی ببەنەوە و جیاوازیان لەگەڵ یانەکە
زیاتر بکەن.
پاش بردنەوەیان لە ساوسهامپتۆن و تۆمارکردنی دوو گۆڵ، محەمەد سەڵاحی کاپتنی یانەی
لیڤەرپول رایگەیاند، هەموو یارییەک جیاوازە و یانەی بەرامبەریشیان رکابەرییەکی
باشیان کردووە و بە تایبەت کاتێک بە گۆڵێک دواکەوتن ئەرکیان قورس بوو، بەڵام ئەوان
کۆڵیانەداوە و چاویان لە بردنەوە بوو، لە کۆتایدا تۆماریشیانکرد.
جەختی لەسەر ئەوەشکردەوە، ساوسهامپتۆن پلانی یاریکردنیان روون بووە و یارییەکی نایابیان ئەنجامداوە، بەڵام دڵنیابووە
لەوەی هەلی گۆڵکردن درووست دەکەن و بردنەوە بەدەستدەهێنن.
وتیشی: پێشەنگبوونمان زۆر نایاب و سەرنجڕاکێشە، هیوادارم بەو شێوەیە بەردەوام
بین، ئێمە یارییەکمان بەرامبەر مان سیتی هەیە، بۆیە هیوادارم بتوانین بیبەینەوە و جیاوازییەکە
بکەین بە 11 خاڵ، وە سیتی لە هەموو دۆخێکدا هەر یانەیەکی گەورە و بەهێزە.
جێی
باسە، ئەم وەرزە پاش تێپەربوونی 12 هەفتە لیڤەرپول هەشت خاڵ لە پێشی مان سیتی پلەی
دووەمەوەیە لە پریمەرلیگ، محەمەد سەڵاحیش لەکۆی 24 گۆڵی یانەکەی بەشداری لە 16 گۆڵ
کردووە و بە تۆمارکردنی 10 گۆڵیش دووەم گۆڵکاری خولەکەیە پاش هالاندی گۆڵکار بە 12
گۆڵ.