PM:11:56:10/11/2024
392 جار خوێندراوەتەوە
+
-
مانچستەر سیتی بیری لە گواستنەوەی ڤاڵڤێردی کردووەتەوە بۆ شوێنگرەوەی رۆدری.
تۆڕی تیم تۆکی بەریتانی بڵاویکردەوە، یانەی مانچستەر سیتی دەیەوێت فێدریکۆ ڤاڵڤێردی ئۆرۆگوایی بگوازێتەوە و بیکاتە جێگرەوەی رۆدری کە توشی پچرانی بەستەری ئەژنۆی بووە.
ئاماژەی بەوەشکردووە، مان سیتی لەسەر داوای گواردیۆلا ئارەزووی ئەستێرە ئۆرۆگواییەکە دەکات بە تایبەت کە دەزانن ئەو یاریزانە لە بەرگری ناوەراست و هێرشبەر، هەروەها لە باڵی راستی هێڵی بەرگریش دەتوانێت یاری بکات.
ئەوەشی دوپاتکردووەتەوە، سیتی دەزانێت هەوڵدان بۆ راستەوخۆ گواستنەوەی ڤاڵڤێردی ئاسان نییە بە تایبەت کە بڕگەی شکاندی گرێبەستی ئەو یاریزانە 830 ملیۆن یۆرۆیە.
سەرچاوە بەریتانییەکە ئەوەشی ئاشکراکردووە، ریال مەدرید بەبێ شەڕ دەستبەردای فێدریکۆ نابێت، بەو پێیەی بە پایەی سەرەکی یانەکەی دەزانن و هەموو ئۆفەرێک بۆ فرۆشتنی رەتدەکەنەوە.
ڤاڵڤێردی تەمەن 26 ساڵ بە درێسی مێرەنگێ 275 یاری ئەنجامداوە، سەرکەوتوو بووە لە تۆمارکردنی 24 گۆڵ و 25 ئەسیست، نرخیشی لە بازاڕی گواستنەوەی یاریزانان 130 ملیۆن یۆرۆیە.
بیلال کاکە