PM:09:37:10/11/2024
156 جار خوێندراوەتەوە
+
-
لە خولی ئینگلتەرا چێڵسی و ئارسناڵ بە گۆڵێک یەکسانبوون و بە کۆکردنەوەی
خاڵێک یاریگایان جێهێشت.
لە یاریی لوتکەی هەفتەی 11ی خولی ئینگلتەرا یانەی چێڵسی و ئارسناڵ لە
یاریگای ستامفۆرد بریچ بەیەکگەیشتن.
تایمی یەکەم، یارییەکی بەهێز و توند بیندرا و ناوبژیوان چوار کارتی زەردی
بەرزکردەوە کە سیانیان بۆ بلوز بوون، هیچکامیشیان گۆڵیان بۆ تۆمار نەکرا.
لە تایمی دووەمدا، لە خولەکی 60 تۆپ هاوێژەکان بە گۆڵێکی مارتینێلی
پێشکەوتن، ئەسیستەکەش مارتن ئۆدیگار تۆماریکرد، بلوزیش لە هەوڵەکانی نەوەستا و لە
خولەکی 70 نیتۆ بە ئەسیستی ئینزۆ ئەنجامەکەی یەکسانکردەوە.
سەرەنجام یارییەکە بە یەکسانی و بە گۆڵێک بۆ هەردوولا کۆتایی هات و هەریەکەیان
بە خاڵێک یاریگایان جێهێشت.
بەم ئەنجامە چێڵسی و ئارسناڵ بە کۆکردنەوە 19 خاڵ پلەکانی سێیەم و
چوارەمیان گرتووە.
بیلال کاکە