PM:10:33:10/10/2021
1400 جار خوێندراوەتەوە
+
-
ڤانگال ڕەخنەى
توند لە بەرپرسانی بەرشەلۆنە دەگرێت و بەرگری لە کومان و دی یۆنگ دەکات.
لویس ڤانگالی
ڕاهێنەری هەڵبژاردەى هۆڵەندا بێدەنگی شکاند و لە لێدوانێکدا کە ڕۆژنامەکانی
ئیسپانیا بڵاویانکردەوە ئاشکرایکرد، بابەتی ڕەخنەگرتن لە کومان و دی یۆنگ لە کاتی
ئەنجامە خراپەکانی بەرشەلۆنە لە لایەن بەرپرسانی یانەکە کارێکی نوێ نیە و پێشتریش
هەمان کاریان بەرامبەر ئەو ئەنجامداوە کاتێک ئەنجامی یارییەکان لە سوودی یانە
کەتەلۆنییەکە نەبووە.
ڤانگال ڕایگەیاند،
هەرکاتێک بەرشەلۆنە ئەنجامەکانی وەک پێویست نەبووبێت ڕووی لە یاریزانانی دەرەوەى ئیسپانیا
کردووە و تۆمەتباری کردوون بە هۆکاری شکستەکان و ئەو تۆمەتانەش کومانی ڕاهێنەریشی
گرتووەتەوە.
ڤانگال کە پێشتر
لە دوو بۆنەدا ڕاهێنەرایەتی بەرشەلۆنەى کردووە، دووپاتیکردووە لە ئێستادا مێژوو
خۆی دووبارە دەکاتەوە و کارگێڕی یانەکە هەمان کار بەرامبەر دوو هاونیشتیمانیەکەى
دەکات، ئەوەش کارێکی ناڕاستە.
بەرشەلۆنە لەم
وەرزەدا بارودۆخی نالەبارە و لە ئاستی لالیگا و چامپیۆنزلیگ ئەنجامەکانی باش نیە و
لەچەندین بۆنەشدا لێدوانی جیا جیا دراوە لەسەر دوورخستنەوەى کومان، بەڵام تا ئێستا
بە کرداری ڕاهێنەرە هۆڵەندییەکەى دوورنەخستووەتەوە.