AM:12:04:07/09/2024
392 جار خوێندراوەتەوە
+
-
لە نەیشنز لیگ ئیتاڵیا ریمۆنتادای کرد و بە سێ گۆڵ بەرامبەر بە گۆڵێک لە فەرەنسای بردەوە.
لە یارییەکی نەیشنز لییگ هەردوو هەڵبژاردەی فەرەنسا و ئیتاڵیا رووبەرووی یەکتر بوونەوە.
تایمی یەکەم، بە قاچی یاریزانانی ئازۆری یاری دەستیپێکرد بەڵام دوای تەنیا 13 چرکە لە فیکەی ناوبژیوان بارکۆلا گۆڵی یەکەمی کەڵەشێرەکانی تۆمارکرد، بەڵام لە خولەکی 29 دیمارکۆ یارییەکەی هێنایەوە خاڵی دەستپێک.
لە تایمی دووەم، لە خولەکەکانی 50 و 74 ئازۆری دوو گۆڵی دیکەی لە رێگەی فراتیسی و راسپادۆری تۆمارکرد.
سەرەنجام ئیتاڵیا ریمۆنتادای کرد و یارییەکەی بە ئەنجامی سێ گۆڵ بەرامبەر بە گۆڵێک بردەوە.
لە دوو یاری دیکەشدا ئاسلەندا بە دوو گۆڵی بێ وەڵام شکستی بە مۆنتینیگرۆ هێنا و تورکیا و وێڵز بەرامبەر یەکتر یەکسانبوون.