PM:11:27:06/09/2024
188 جار خوێندراوەتەوە
+
-
لاوتارۆ روونیکردەوە شایەنی ئەوەیە ناوی لەنێو
پاڵێوراوانی باڵۆن دۆر هەبێت و باوەڕی وایە رکابەری لەسەر دەکات.
لە لێدوانێک بۆ ڕۆژنامەی فوتبۆڵ ئیتاڵیا لاوتارۆ
مارتینێزی یاریزانی هەڵبژاردەی ئەرجەنتین و یانەی ئینتەر میلان دەڵێت: بە لەبەرچاوگرتنی
کۆتا وەرز کە هەمبوو، شایەنی ئەوەم لەو شوێنە بم کە ئێستا تیایدام و شایەنی ئەوەم
کە ناوم لەنێو پاڵێوراونی باڵۆن دۆر هەبێت.
وتیشی: لەم ساڵانەی دواییدا کاری زۆرم کردووە و زۆر
ئازارم چەشتووە، ئەمە دووەم ساڵە بەشدار دەبم لە مەراسیمی فرانس فوتبۆڵ و باوەڕم
وایە کە ئامادەم ڕکابەری بکەم بۆ باڵۆن دۆر.
ئەمە لە کاتێکدایە، ئەستێرەکانی ڕیال مەدرید ڤینیسیۆس
جونیۆر و جود بێلینگهام وەک پاڵێوراوێکی بەهێز ماونەتەوە بۆ بردنەوەی خەڵاتەکە دوای
بردنەوەی نازناوی لالیگا و چامپیۆنزلیگ.
لاوتارۆ لەگەڵ ئەرجەنتین بوون بە براوەی کۆپا ئەمریکای
2024 ، هەورەها بە پێنج گۆڵ گۆڵکاری پاڵەوانێتییەکە بوو، هەروەها گۆڵی بردنەوەی لە
یاری کۆتایی بەرامبەر کۆڵۆمبیا تۆمارکرد.
ئەمە جگە لەوەی هێرشبەرە
تەمەن 27 ساڵەکە لە 33 یاری وەرزی ڕابردوو لە خولی ئیتاڵیا 24 گۆڵی تۆمارکرد و
هاوکاری تەواوی ئینتەر میلانی کرد بۆ بەدەستهێنانی نازناوەکە.