PM:01:48:12/08/2024
192 جار خوێندراوەتەوە
+
-
گواردیۆلا ڕایگەیاند گریلیش تووشی پێکانبووە و لە هەفتەی یەکەمی پریمەر لیگ بەشداری ناکات.
جاک گریلیشی ئەستێرەی هێڵی ناوەندی یانەی مانچستەر سیتی پێش یاری ڕابردوویان بەرامبەر مانچستەر یونایتد تووشی پێکان هاتووە و نەیتوانی لەو یارییەدا بەشداری بکات.
جێی باسە ئەستێرە ئینگلیزییەکە وەرزی ڕابردوو بەهۆی پێکانە زۆرەکانییوە نەیتوانی ئاستێکی باش پیشکەشبکات و بەوهۆیەوە ساوسگێتی راهێنەری ئەوکاتی ئینگلتەرا بڕیاریدا یاریزانەکە بانگێشتی جامی نەتەوەکانی ئەوروپای نەکات.
لەهەمان کاتتدا پیپ گواردیۆلای ڕاهێنەری یانەکە ئاماژەی بەوەکردووە گریلیش پێش دێربی مانچستەر، هەستی بە ئازارکردووە، هەربۆیە ىریاریداوە و بەشداری پێنەکات.
پیپ ئەوەشی ڕاگەیاندووە زۆرقورسە گریلیش بتوانێت لە هەفتەی یەکەمی پریمەر لیگ بەرامبەر چێڵسی بەشداری بکات، بەڵام بۆ یارییەکانی داهاتوو هێشتا هیچ شتێک ڕووننیە دەتوانێت یاری بکات یاخود نا.
ئەستێرە ئینگلیزییەکە لە ساڵی 2021 پەیوەندیکرد بە ریزەکانی مان سیتیەوە ولەگەڵ ئەو یانەیەیشدا 125 یاری ئەنجامداوە و 14 گۆڵ و 18 ئەسیستی تۆمارکردووە.