PM:10:23:29/07/2024
224 جار خوێندراوەتەوە
+
-
ناڤاس پاش تەواو بوونی گرێبەستەکەی لەگەڵ پاریس پەیوەندی بە یانەی
مۆنزاوە دەکات.
رۆدی گالێتی رۆژنامەنووسی تۆڕی سکای سپۆرت بڵاویکردوەوە، کەیلۆر
ناڤاسی کۆستاریکی لەگەڵ یانەی مۆنزا گەیشتووەتە رێککەوتن و بەشێوەیەکی ئازاد
پەیوەندی بە یانە ئیتاڵییەکە دەکات.
بەگوێرەی زانیارییەکانی گالێتی سێشەممە ناڤاس لە ئیتاڵیا پشکنینی
پزیشکی بۆ دەکرێت، دواتریش گرێبەستەکەی واژۆ دەکات و دەبێتە یاریزانی یانە
ئیتاڵییەکە.
گۆڵچییە تەمەن 37 ساڵانییەکە لەم هاوینە گرێبەستەکەی لەگەڵ پاریس سان جێرمان
کۆتایی هات، گرێبەستەکەی نوێ نەکردەوە و ماڵئاوایی لە یانە فەرەنسییەکە کرد، وە
جێی باسە باشترین سەردەمی یاریکردنی لە ریاڵ مەدرید بەسەربردووە کە لەگەڵ یانەکە
سێ نازناوی چامپیۆنزلیگی بەدەستهێنا.
کایلۆر ناڤاس لە ماویە یاریکردنیدا، لەکۆی 479 یاریی 480 گۆڵی لێکراوە
و 171 یاریش تۆڕی گۆڵەکەی بەخاوێنی پاراستووە.