PM:07:45:07/07/2024
1020 جار خوێندراوەتەوە
+
-
ئەلکانتارا
بڕیاری وازهینانی لە یاریکردن داوە و بەرشەلۆنەش دەیەوێت بیکات بە یاریدەدەری فلیک.
تیاگۆ
ئەلکانتارای تەمەن 33 ساڵان، لە چەند وەرزی ڕابردوودا بەهۆی پێکانەوە بەشداریکردنی
لە یارییەکاندا زۆر کەم بوەوە و ئەمەش وایکرد یانەی لیڤەرپولی ئینگلیزی
گرێبەستەکەی نوێنەکاتەوە و لە ئێستادا یاریزانیکی ئازادە.
فابریزیۆ ڕۆمانۆش لە
نوێترین بڵاوکراوەیدا باسی لەوەکردووە، ئەستێرە ئیسپانییەکە دوا بڕیاری خۆیداوە و لە
چەند ڕۆژی داهاتوودا وازهێنانی یەکجاری لە تۆپی پێ ڕادەگەیەنێت.
لەلایەکی
دیکەوە ڕۆژنامەی ئاسی ئیسپانی نیازی وازهێنانی ئەلکانتارای پشتڕاستکردەوە و
راشیگەیاند، لە مانگی ئایارەوە یانەکەی پێشووی واتە بەرشەلۆنە گفتوگۆ لەگەڵ تیاگۆ
دەکات و یاریزانەکە بۆ ستافی تەکنیکی وەک یەکێک لە یاریدەدەرەکانی هانسی فلیک زیاد
بکات.
تیاگۆ
ئەلکانتارا بەرهەمی ئەکادیمیای لاماسیایە یاری بۆ یانەکانی بەرشەلۆنە و بایرن
میونشن و لیڤەرپول کردووە، لە ماوەی یاریکردنی لەگەل یانەکەی کەتەلۆنیا چوار جار لالیگا و جارێکیش
چامپیۆنزلیگی بردووەتەوە، دواتر لە ساڵی 2013 پەیوەندی بە بایرنەوە کرد و لەگەڵ ئەم
تیپە حەوت جار نازناوی بۆندسلیگای بەدەستهێنا و لە ساڵی 2020 بوونە پاڵەوانی چامپیۆنزلیگ،
وە لە ساڵی 2011ەش بانگێشتی هەڵبژاردەی ئیسپانیا کرا و لە 46 یاری لەگەڵ
هەڵبژاردەکە بەشداری کرد.