AM:12:12:06/10/2024
560 جار خوێندراوەتەوە
+
-
لە خولی ئیسپانیا ریاڵ مەدرید بە دوو گۆڵی بێوەڵام شکستی بە یانەی ڤیاریاڵ هێنا.
لە یارییەکی هەفتەی نۆیەمی خولی ئیسپانیا یانەی ریاڵ مەدرید لە نێو یاریگا و بەردەم هاندەرانی خۆیدا میوانداری ڤیاریاڵی کرد.
تایمی یەکەم، یانەی شاهانە کۆنترۆڵی تۆپی کرد و لە خولەکی 14 فیدریکۆ ڤاڵڤێردی گۆڵێکی موشەک ئاسای خستە تۆڕی گۆڵی ڤیاریاڵەوە و بەو ئەنجامە کۆتایی بە نیوەی یەکەم هات.
لە تایمی دووەم، هەمان سیناریۆ دووبارە بووەوە بەڵام ئەم جارەیان ڤینی تۆپێکی بەهێزی لە دەرەوەی ناوچەی سزا ئاراستەی گۆڵی یانەی میوان کرد و گۆڵی دووەمی یانەکەی تۆمارکرد.
مێرەنگێ بەرەو بردنەوە هەنگاوی دەنا بەڵام پێکانی سەختی دانی کارڤاخال لە دواساتەکان خۆشی ئەنجامەکەی لێ تێکدان و بەرگریکارە ئیسپانییەکە بە گریانەوە یاریگای جێهێشت.
سەرەنجام بەو دوو گۆڵە ریاڵ مەدرید یارییەکەی بردەوە و بە کۆکردنەوەی 21 خاڵ لە پلەی دووەمی ریزبەندی دەبیندرێت.
بیلال کاکە