PM:12:29:20/06/2023
1028 جار خوێندراوەتەوە
+
-
ووردەکاری گرێبەستەی
میسی لەگەڵ ئینتەرمیامی ئاشکراکرا و مووچەی ساڵانەکەی 50 ملیۆن دۆلارە.
ڕاپۆرتە
ڕۆژنامەنوسیەکانی ئیسپانیا وردەکاری گرێبەستەکەی لیۆنێل میسی ئەرجەنتینیان
ئاشکراکرد کە لەگەڵ ئینتەرمیامی ئەمریکی ئەنجامیداوە.
ڕۆژنامەی مارکای ئیسپانی
ڕایگەیاند کە پەیوەندیکردنی میسی بە یانەی ئینتەرمیامیەوە تاوەکو 5ی مانگی داهاتوو
نابێتە فەرمی کە هاوکاتە لەگەڵ دەستپێکی بازاڕی گواستنەوەی هاوینەی خولی ئەمریکی.
ڕۆژنامەکە ئاماژەی
بەوەشکرد کە چاوەڕێ دەکرێت یەکەم یاری میسی بەدرێسی ئەو یانە ئەمریکیەوە بەرامبەر
یانەی کروز ئازۆلی مەکسیکی بێت لە پاڵەوانیەتی جامی خولەکەکان کە وابڕیارە لە 21ی
مانگی داهاتوو ئەنجام بدرێت.
مارکا ئاشکرایکرد کە
لیۆنێل میسی مووچەی ساڵانەکەی لەگەڵ ئینتەرمیامی 50 ملیۆن دۆلار دەبێت و ماوەی
گرێبەستەشی بۆ دوو ساڵ و نیوە کە تێکڕای موچەکەی 150 ملیۆن دۆلار دەبێت و هەروەها
لەکاتی وازهێنانیشی بەشێک لە پشکی یانەکە وەردەگرێت.