PM:10:26:01/01/2025
184 جار خوێندراوەتەوە
+
-
لە خولی ئینگلتەرا ئارسناڵ بردنەوەی بەسەر برێنتفۆرد بەدەستهێنا و گەڕایەوە پلەی دووەمی ریزبەندی.
لە کۆتا یاری هەفتەی 19ی خولی ئینگلتەرا، یانەی ئارسناڵ لە دەرەوەی یاریگای خۆی بووە میوانی یانەی برێنتفۆرد.
لە تایمی یەکەمدا و لە خولەکی 13 برایان مبێمۆ گۆڵێکی بۆ برێنتفۆرد تۆمارکرد و دواتر لە خولەکی 29 گابرێل خیسۆس ئەنجامەکەی بۆ ئارسناڵ یەکسانکردەوە.
لە تایمی دووەمدا و لە خولەکەکانی 50 و 53 میکێل مێرینۆ و گابرێل مارتینێلی دوو گۆڵی تریان بۆ ئارسناڵ تۆمارکرد و سەرەنجام یارییەکەیان بە ئەنجامی سێ گۆڵ بەرامبەر گۆڵێک بردەوە.
بەو ئەنجامە، ئارسناڵ بە کۆکردنەوەی 39 خاڵ گەڕایەوە پلەی دووەمی ریزبەندی و بە جیاوازی شەش خاڵ لە دوای لیڤەرپوڵی پێشەنگەوەیە، برێنتفۆردیش لە پلەی 12 دەبینرێت بە کۆکردنەوەی 24 خاڵ.
خ . ک