PM:11:46:01/01/2025
164 جار خوێندراوەتەوە
+
-
ناگلیسمان رایگەیاند دەیەوێت یەکەم نازناو لەگەڵ ئەڵمانیا بەدەستبهێنێت و گەرەنتی ئەوە ناکات ببنە پاڵەوانی مۆندیالی 2026.
جولیان ناگلیسمانی راهێنەری هەڵبژاردەی ئەڵمانیا لە لێدوانێکیدا رایگەیاند، ئامانجی ئەوەیە یەکەمین نازناوی خۆی لەگەڵ هەڵبژاردەی ئەڵمانیا وەک راهینەر لە ساڵی 2025دا بەدەستبهێنێت کە ئەویش نازناوی نەیشنز لیگە.
ناگلیسمان وتی، ئەگەر بتوانین ببینە پاڵەوانی نەیشنز لیگ ئەوا ئامادەکارییەکی باش دەبێت بۆ ئەوەی بە بەهێزیەوە بەشداری مۆندیالی 2026 بکەین بەڵام بە هیچ شێوەیەکیش گەرەنتی ئەوە ناکەم بتوانین ببینە پاڵەوانی ئەو مۆندیالە.
وتیشی، بەشێوەیەکی گشتی بارودۆخمان زۆر باشە کە تەنها بەهۆی منەوە نییە بەڵکو توانای یاریزانەکان لە یاریگادا هۆکاری سەرەکین، دەبێت لە دوو یاری داهاتووی مانگی ئازاردا بە باشترین شێوە دەربکەوین.
دەشڵێت، تیپێکی هاوسەنگمان پێکهێناوە لە نێوان یاریزانە لاوەکان و بە ئەزمونەکان، کاتێکیش هەندێک یاریزان دووردەخەمەوە بەهۆی خراپی ئاستیانەوە نییە بەڵکو هۆکارەکە ئەوەیە یاریزانی باشتر لەوان بوونیان هەیە.
خ . ک