PM:03:19:18/05/2023
424 جار خوێندراوەتەوە
+
-
بێرناردۆ سیلڤا بە
نامەیەکى ناڕوون دەرگاى پەیوەندیکردن بە ڕووى پاریس سان جێرماندا دەکاتەوە.
بێرناردۆ سیلڤاى
پورتوگالى یاریزانى یانەى مانچستەر سیتى ئینگلیزى، دەرگاى پەیوەندیکردنى بە ڕووى
یانەى پاریس سان جێرمانى فەڕەنسی دانەخستووە.
لە بارەى درووستى ئەگەرى
پەیوەندیکردنى بە پاریسەوە، بێرناردۆ لە لێدوانێکدا بۆ تۆڕى ئاڕ ئێمى سى سپۆرتى
فەڕەنسى دەڵێت "لە ئێستادا پلانم هەیە بە شێوەیەکى باش کۆتایى بەم وەرزە
بهێنم و نازناوى پریمەر لیگ و جامى ئیگلتەرا و چامپیۆنز لیگ یەکلابکەینەوە، دواى
ئەوە دەبینین چى ڕوودەدات لە مێرکاتۆى هاوینەدا".
بێرناردۆ، کە
گرێبەستەکەى لەگەڵ مان سیتى لە هاوینى 2025 کۆتایى دێت، ناوى پەیوەستکراوە بە
پەیوەندیکردن بە پاریس سان جێرمانەوە، بەهۆى ئەوەى پەیوەندییەکى بەهێزى لەگەڵ لویس
کامپۆسى هاونیشتیمانى ڕاوێژکارى وەرزشى یانە پاریسیەکە هەیە.
بێرناردۆى 28 ساڵ لە
هاوینى 2018وە لە ڕیزەکانى مان سیتیدا یارى دەکات، کە لە یانەى مۆناکۆى
فەڕەنسییەوە بەرامبەر 50 ملیۆن یۆرۆ پەیوەندى پێوەکرد.
بێرناردۆ سیلڤا لەم
وەرزەدا لەگەڵ مانچستەر سیتى بەشدارى 52 یاری کردووە لە سەرجەم پاڵەوانێتییەکاندا،
بە تۆمارکردنى حەوت گۆڵ و حەوت ئەسیست بەشدارى لە 14 گۆڵدا کردووە.
گ . ف
