PM:09:47:15/02/2023
1136 جار خوێندراوەتەوە
+
-
مانەوەی میسی لە پاریس
زۆرترین گومانی لەسەرە دوای شکستەکەیان بەرامبەر بایرن میونشن.
رۆژنامەی سپۆرتی
کەتەلۆنی بڵاویکردوەتەوە، شكستی یانەی پاریس سان جێرمان بەرامبەر بایرن میونشن لە
چامپیۆنز لیگ داهاتووی لیۆنێل میسی ئەستێرەی ئەرجەنتینی لەگەڵ یانە فەرەنسیەکە
خستوەتە گومانێکی زۆرەوە.
رۆژنامەکە رایگەیاندووە،
میسی هەست بە بێهیواییەکی زۆر دەکات لە پاریس سان جێرمان چونکە بۆی دەرکەوتووە ئەو
یانەیە ناتوانێت ببێتە براوەی نازناوی چامپیۆنز لیگ و متمانەی بە پرۆژەکەیان نییە.
سپۆرت دوپاتیکردوەتەوە،
هەلێکی گەورە لەبەردەم یانەی بەرشەلۆنەدایە بۆ ئەوەی هەوڵی گەڕاندنەوەی میسی بدەن
بۆ یانەکەیان لە هاوینی داهاتوودا چونکە ئەستێرە ئەرجەنتینیەکە لەگەڵ بەرشەلۆنە
دەتوانێت جارێکیتر نازناوی چامپیۆنز لیگ بەدەستبهێنێت بەهۆی بوونی پێکهاتەیەکی
بەهێز لە ئێستادا.
دەشڵێت، بەرپرسانی
بەرشەلۆنە ئارەزووی گەڕاندنەوەی میسیان هەیە بەڵام دەبێت سەرەتا ئەو یاریزانە رازیبکەن
و چارەسەری کێشەکانی رابردووی نێوانیان بکەن لەگەڵیدا و بەهیچ شێوەیەکیش لایەنی دارایی
کێشە نەبووە لە نێوانیاندا پێش رۆیشتنی.
سپۆرت دوپاتیکردوەتەوە،
میسی ئۆفەرێکی لەلایەن بەرپرسانی پاریسەوە پێگەیشتوە بۆ نوێکردنەوەی گرێبەستەکەی و
بڕیاریدابوو دوای مۆندیال وەڵامیان بداتەوە بەڵام تا ئێستا ئەو یاریزانە ئەو بابەتەی
یەکلانەکردوەتەوە و ئەوەش گومانی زۆری دروستکردووە لەسەر مانەوەی.
خ . ک