AM:10:04:16/09/2021
1724 جار خوێندراوەتەوە
+
-
میسی هاوشانی ڕۆناڵدۆ دەچێتە
ڕیزبەندی چوارەمی ئەو یاریزانانەى زۆرترین یارییان لە چامپیۆنزلیگ ئەنجامداوە.
لیۆنێڵ میسی ئەرجەنتینی و ئەستێرەى
پاریس سان جێرمان لە یاری یانەکەى بەرامبەر کلوپ بروج لە یانە پاڵەوانەکانی
ئەوروپا بە شێوەیەکی سەرەکی یاریکرد و بە پێی ئامارەکانی پێگەى ئۆپتاش لیۆنێڵ میسی
بووە چوارەم یاریزان لە مێژووی یانە پاڵەوانەکان یاری ژمارە 150 ئەنجامبدات کە کریستیانۆ ڕۆناڵدۆی یاریزانی مانچستەر
یونایتد پێشەنگی لیستەکە دەکات.
ئۆپتا ئاشکراشیکرد، ڕۆناڵدۆ بە 177
بەشداریکردن لە پلەی یەکەمدایە و ئیکەر کاسیاسی گۆڵپارێزی پێشووی ڕیاڵ مەدرید بە
ئەنجامدانی هەمان ڕێژەى بەشداریکردنی ڕۆناڵدۆ لە پلەی دووەم دێت و چاڤی هێرناندێزی
ئەسـتێرەى پێشووی بەرشەلۆنە بە 151 یاری لە پلەی سێیەم دێت و ئەستێرەکەى تانگۆش بە
150 یاری لە پلەی چوارەمدایە و یەک بەشداریکردنی تری پێویستە تا ژمارەکەى چاڤی
یەکسانبکاتەوە.
لیۆنێڵ میسی ئەستێرەى پاریس سان
جێرمان لە یارییەکانی داهاتووی یانەکەى لە چامپیۆنزلیگ بەشداری دەکات و دەتوانێت
لەم وەرزەدا ژمارەکەى چاڤی تێپەڕێنێت و لە هەریەک لە ژمارەى بەشداریکردنەکانی
ڕۆناڵدۆ و کاسیاس نزیکبێتەوە.