AM:12:06:16/09/2021
1184 جار خوێندراوەتەوە
+
-
لە چامپیۆنز لیگ لیڤەرپوڵ لە میلانی بردەوە و ئەتلەتیکۆ مەدرید و پۆرتۆش یەکسانبوون.
لە قۆناغی کۆمەڵەکانی خولی یانە پاڵەوانەکانی ئەوروپا و لە کۆمەڵەی دووەمدا، یانەی لیڤەرپوڵی ئینگلیزی لە یاریگای ئانفێڵد رووبەڕووی یانەی ئەی سی میلانی ئیتاڵی بوەوە.
یاریەکەش بە سێ گۆڵ بەرامبەر بە دوو گۆڵ لە سوودی لیڤەرپوڵ کۆتاییهات، گۆڵەکانی لیڤەرپوڵ ئەرنۆلد و محەمەد سەڵاح و هندرسۆن تۆماریانکرد، ئەنتی ریبیچ و براهیم دیاز گۆڵەکانیان بۆ میلان کرد.
لە یارییەکی تری هەمان کۆمەڵەدا، یانەی ئەتلەتیکۆ مەدرید ئیسپانی لە یاریگای واندا میترۆ پۆلیتانۆ میوانداری یانەی پۆرتۆی کرد و بە بێ گۆڵ لەگەڵیدا یەکسانبوو.
بەم ئەنجامانە، لیڤەرپوڵ یەکەمین سێ خاڵی بەدەستهێنا و لە پێشەنگی کۆمەڵەکەدا دەبینرێت، ئەتلەتیکۆ مەدرید و پۆرتۆ هەریەکەیان بونە خاوەنی خاڵێک. خ . ک