AM:10:09:26/03/2024
900 جار خوێندراوەتەوە
كۆمسیۆنی باڵای سەربەخۆی هەڵبژاردنەكانی عێراق رایگەیاند، رۆژی ٢٨ـی مانگی ئازار، دوایین وادەیە بۆ وەرگرتنی لیستی كاندیدانی هاوپەیمانی و حزبە سیاسییەكان و ئەو كەسانەی بە شێوەی سەربەخۆ دەیانەوێت لە هەڵبژاردنی پەرلەمانی كوردستاندا كاندید بن.
ئەمڕۆ سێشەممە، كۆمسیۆنی باڵای سەربەخۆی هەڵبژاردنەكانی عێراق رایگەیاند، کۆتا وادە بۆ وەرگرتنی لیستی کاندیدان و حزبەکان بۆ هەڵبژاردنی پەرلەمانی کوردستان، ٢٨ـی مانگی ئازار دەبێت.
باسی لەوەش کرد، ئەو وادەیەی کە دیاریکراوە بۆ وەرگرتنی
لیستی کاندیدان و حزبەکان بۆ هەڵبژاردنی پەرلەمانی کوردستان جارێکی دیکە درێژ ناکرێتەوە.
ئەمەش لەکاتێکدایە، دوای فشارە ناوخۆی و نێودەوڵەتییەکان
سەرۆکایەتی هەرێمی کوردستان رۆژی هەڵبژاردنی خولی شەشەمی پەرلەمانی کوردستانی دیاریکرد
و وا بڕیارە لە رۆژی ١٠ـی حوزەیرانی ئەمساڵدا هەڵبژاردنەکە ئەنجام بدرێت.