وەزارەتی کۆچ و کۆچبەرانی عێراق رایگەیاند، ٢٥٠ بەشەخۆراکی فریاگوزارییان بەسەر ئەو خێزانانەدا دابەش کردووە کە بەهۆی لافاوەوە لە دهۆک زەرەرمەند بوون.
ئەمڕۆ پێنجشەممە، وەزارەتی کۆچ و کۆچبەرانی عێراق رایگەیاند، بەمەبەستی بەهاناوەچوونی ئەو هاوڵاتیانەی لە لافاوەکەی دهۆکدا زەرەرمەند بوون، بەشەخۆراکی فریاگوزارییان بەسەر ٢٥٠ خێزانی زیانلێکەوتوودا دابەش کردووە.
ئاماژەی بەوەش کرد، لەسەر
داوای ئیڤان فایەق وەزیری کۆچ و کۆچبەرانی عێراق دەستیان کرد بە دابەشکردنی ئەو بەشەخۆراکانە
بەسەر خەڵکی دهۆکدا.
رۆژی سێشەممەی رابردوو،
شەپۆلێکی بارانبارینی بەخووڕ ناوچە جیاوازەکانی هەرێمی کوردستانی گرتەوە، بەو هۆیەشەوە
لە دهۆک و هەولێر و هەندێک شار و شارۆچکەی دیکە لافاو دروستبوو.
لە دهۆک بەهۆی لافاوەکەوە، سێ کەس گیانیان لەدەستدا و سەدان هاوڵاتی دیکەش زەرەرمەند بوون بەهۆی ئەوەی
ئاوچووە نێو ماڵەکانیانەوە.