فەرمانگەی میدیا و زانیاری هەرێم رایگەیاند، بەهۆی بەهێزی بارانی ئەمشەوەوە ئەگەری دروستبوونی لافاو هەیە و هۆشداریش دەداتە هاوڵاتیان بۆ جێبەجێکردنی رێنماییەکانی خۆپارێزی.
ئەمڕۆ دووشەممە، فەرمانگەی میدیا و زانیاری هەرێم راگەیەنراوێکی بڵاوکردەوە و تێیدا هاتووە، لە درەنگانی ئەمشەودا بە هۆی بارانی زۆر و ئەگەری روودانی لافاو هەیە و بارودۆخی كەشوهەوای هەرێمی كوردستان سەخت دەبێت.
ئاماژە بەوەش
کراوە، شەپۆلێكی بارانبارین و هەورەتریشقەی بەهێز لە درەنگانی ئەمشەو و سبەی سێشەممە
روو لە سەرجەم ناوچەکانی کوردستان دەکات.
باس
لەوەش کراوە، داوا لە هاوڵاتییان دەکەن کە
لەناوچە نزمەکان دوور بکەونەوە و ئۆتۆمبێل رانەگرن، چونکە ئەگەری
دروستبوونی لافاو لەو ناوچانە زیاترە و بۆ دووربوون لە هەورەتریشقە، سەردانی ناوچە شاخاوییەکان
نەکرێت و هاوڵاتیان لە کاتی
بەکارهێنانی رێگە سەرەکییەکاندا هۆشیار بن و گەر زۆر پێویست نەبێ ڕێگەكان بەکارنەهێنرێن.
ئەوەش
خراوەتە روو، ئەمشەو لە ئیدارەی راپەڕین زۆرترین بڕی باران دەبارێت و ئەگەری هەستانی
لافاو هەیە.