شاندێکی پەرلەمانی عێراق لەگەڵ شاندێکی پەرلەمانی ئوردون کۆبوونەوە و ژمارەیەک دۆسیەیی تایبەتیان بە زیادکردنی هاوردەی کارەبا تاوتوێکرد.
نوسینگەی موحسین مەندەلاوی راگەیەنراوێکی بڵاوکردەوە و تیایدا هاتووە، شاندێکی پەرلەمانی عێراق بە سەرۆکایەتی موحسین مەندەلاوی جێگری یەکەمی سەرۆکی پەرلەمانی عێراق لە ئوردون لەگەڵ شاندێکی پەرلەمانی ئەردەن کۆبوونەوە و باسیان لە بەرزکردنەوەی تواناکانی کارەبایان لە عێراق کرد.
ئاماژەی بەوەشکردووە، لە کۆبوونەوەکەدا
باس لە زیادکردنی هەناردەکردنی کارەبا بۆ عێراق و دروستکرکردنی وێستگەی کارەبایی و
ئاسانکاری لە وەبەرهێناندا بکرێت بەپێی رێکەوتنی سێ قۆڵی نێوان عێراق و ئوردون و میسر
و دروستکردنی بازاڕی ئازاد لە نێوان ئوردون و عێراقدا.
هەربەگوێرەی راگەیەنراوەکە،
پەرلەمانی عێراق پشتیوانی لە نێوان هەردوو وڵاتدا بۆ یەکگرتنی ئابووری و کارکردن پێکەوە
دەکات.
لایخۆشیەوە، سەمیر ریفاعی
سەرۆکی پەرلەمانی ئوردون ئاماژەی دا بە قووڵایی پەیوەندی نێوان هەردوو وڵات و جەختی لەوە کردەوە کە بوونی عێراق ئەرێنی و کاریگەر
بووە لەسەر ئاستی ناوچەیی و جیهانی.
ک – ک