PM:01:36:28/03/2025
80 جار خوێندراوەتەوە
+
-
لە جامی میامی جۆکۆڤیچ بە بردنەوە لە
کۆردا گەیشتە پێش کۆتایی و پێریتینی ماڵئاواییکرد.
لە یارییەکانی قۆناغی چارەکی کۆتایی جامی
میامی بۆ تێنسی سەرزەوی، نۆڤاک جۆکۆڤیچی سڕبی بەرامبەر سباستیان کۆردای ئەمریکی
یاریکرد.
بە درێژایی یارییەکە جۆکۆڤیچ باشتر بینرا
و سەرەنجام دوای یەک کاتژمێر و 18 خولەک یارییەکەی بە ئەنجامی دوو کۆمەڵەی
بێبەرامبەر بردەوە، خاڵی کۆمەڵەکانیش شەش بە سێ، حەوت بە شەش گێم بوون.
لە هەمان قۆناغ، تایلۆر فرێتزی ئەمریکی
رووبەڕووی ماتیۆ پێریتینی ئیتاڵی بووەوە و بە ئەنجامی دوو کۆمەڵە بەرامبەر
کۆمەڵەیەک یارییەکەی لێبردەوە، ئارسەری فەرەنسیش بە مێنسێکی چیکی دۆڕا.
بەو ئەنجامانە، هەریەکە لە جۆکۆڤیچ و
فرێتز و مێنسێک گەیشتنیان بە قۆناغی پێش کۆتایی پاڵەوانێتییەکە مسۆگەر کرد، کۆردا
و پیریتینی و ئارسەر ماڵئاواییانکرد.
خ . ک