PM:11:34:20/11/2024
228 جار خوێندراوەتەوە
+
-
ڤینیسیۆس و ئۆلمۆ لە پاڵێوراوانی باشترینی ئەم مانگەی لا لیگادان و سیمیۆنیش پاڵێوراوە بۆ باشترین راهێنەر.
رابیتەی خولی ئیسپانیا کە ناسراوە بە لا لیگا لیستی پاڵێوراوانی بۆ خەڵاتە جیاوازەکانی ئەم مانگەی خولی پلە یەکی ئیسپانیای بڵاوکردەوە.
بۆ خەڵاتی باشترین یاریزانی مانگی 11، پێنج یاریزان پاڵێوراون کە ئەوانیش ڤینیسیۆس جۆنیۆری ریاڵ مەدرید و دانی ئۆلمۆی بەرشەلۆنە و کوبۆی سۆسیدادن لەگەڵ هەریەکە لەئارناو مارتنێز و جولیان سیمیۆنی.
ڤینیسیۆس لەم مانگەدا لە یەک یاری ریاڵ مەدریددا بەشداری کردووە لە خولی ئیسپانیا کە بەرامبەر ئۆساسۆنا بووە و سێ گۆڵی لەو یاریەدا تۆمارکرد، دانی ئۆلمۆش بەشداری دوو یاری بەرشەلۆنەی کردووە و دوو گۆڵی تۆمارکردووە.
لەسەر ئاستی راهێنەرانیش، هەریەکە لە دیۆگۆ سیمیۆنی راهێنەری ئەتلەتیکۆ مەدرید و ئیمانیۆلی ریاڵ سۆسیداد و میشێل سانچێزی جیرۆنا پاڵێوراون، بۆ خەڵاتی گۆڵچیش هەریەکە لە ئۆبلاک و گۆڵچییەکانی ڤیاڕیاڵ و جیرۆنا پاڵێوراون.
خ . ک