PM:10:51:20/11/2024
212 جار خوێندراوەتەوە
+
-
بەرشەلۆنە گەڕانەوەی بۆ یاریکردن لە کامپ نۆ تا مانگی شوبات دواخست و نرخی بلیتی چەند یاریەکیش کەمدەکاتەوە.
یانەی بەرشەلۆنە ماوەی دوو وەرزە یارییەکانی لە یاریگای مۆنتجیک ئەنجامدەدات بەهۆی ئەوەی یاریگای پێشووی کە سپۆتیفای کامپ نۆیە کاری نۆژەن کردنەوەی تیادا دەکرێت.
لە ماوەی رابردوودا، خوان لاپۆرتای سەرۆکی یانەی بەرشەلۆنە رایگەیاند کە ئامانجیان ئەوەیە لە سەرەتای ساڵی 2025ەوە یاریگای سپۆتیفای کامپ نۆ بە تەواوی ئامادە بکەن بۆ یاریکردن تا یانەکەیان لەو یاریگایە یارییەکانی ئەنجامبدات.
لە نوێترین رونکردنەوەدا، یانەی بەرشەلۆنە لە پێگەی فەرمی خۆیان بڵاویکردەوە کە گەڕانەوەی یانەکەیان بۆ یاریکردن لە یاریگای کامپ نۆ تا ناوەڕاستی مانگی شوباتی ساڵی داهاتوو دوا دەکەوێت.
یانەکە ئاماژەی بەوەداوە، بە هۆی ئەوەی یاساکانی یەکێتی تۆپی پیی ئەوروپا رێگا نادات یاریگا بگۆڕدرێت پێش تەواوبوونی قۆناغی یەکەمی چامپیۆنز لیگ لەبەرئەوە ئەو بڕیارەیان داوە چونکە ناتوانن لە یەک کاتدا کۆنترۆڵی دوو یاریگا بکەن کە یەکێکیان یاریگای مۆنتجیکە یارییەکانی چامپیۆنز لیگی تیادا بەڕێوەبچێت و ئەوەی تریشیان کامپ نۆیە کە خولی ئیسپانیای تیا ئەنجامبدرێت.
دوپاتیانکردووەتەوە، یارییەکانی یانەکەیان بەرامبەر ڤالانسیا و ئالاڤێس و ئەتڵانتا لە مانگی یەک و سەرەتای مانگی دوو لە یاریگای مۆنتجیک ئەنجامدەدرێن، وە ئەو هاندەرانەی بلیتی ئەو سێ یارییەیان کڕیوە بڕی پارەکەیان بۆ کەم دەکرێتەوە.
خ . ک