AM:11:22:11/10/2021
1096 جار خوێندراوەتەوە
+
-
لە پاڵاوتنى مۆندیالدا، مەکسیک لە هندۆراسى بردەوە و سەرکەوت
بۆ پێشەنگى ڕیزبەندى، ئەمریکاش بە پەنەما دۆڕا.
لە جەولەى پێنجەمى قۆناغى کۆتایى پاڵاوتنەکانى ئەمریکاى
باکور و ناوەڕاست و دەریاى کاریبى بۆ مۆندیالى 2022ى قەتەر، هەڵبژاردەى مەکسیک لە
خاکى خۆیدا، میواندارى هەڵبژاردەى هندۆراسى کرد.
مەکسیکى خاوەن یاریگا و هاندەر بە سێ گۆڵى بێ بەرامبەر
یارییەکەى بردەوە و گۆڵەکانیشى لە خولەکەکانى 18 و 76 و 86دا لەلایەن فرانسیسکۆ
کۆردۆڤا و ڕۆخیلیۆ مۆرى و هیرڤینگ لۆزانۆوە تۆمارکرد.
لە یارییەکى ترى هەمان جەولەدا، هەڵبژاردەى ئەمریکا لە
دەرەوەى خاکى خۆیدا، ڕووبەڕووى هەڵبژاردەى پەنەما بووەوە و بە گۆڵێکى بێ بەرامبەر
یارییەکەى دۆڕاند.
بەم ئەنجامانە، مەکسیک بە 11 خاڵ سەرکەوتنى بۆ پێشەنگى ڕیزبەندى
پاڵاوتنەکان بەدەستهێنا و ئەمریکاش بە هەشت خاڵ بۆ پلەى دووەم دابەزى.
گ . ف