لە گرنگترین رووداوەکانی ٢٠٢١:

کانونی دووەم

-لە ٢٠ی کانونی دووەمدا جۆ بایدن وەک سەرۆکی ئەمریکا دەستبەکاربوو.

-جۆزیبی کۆنتی سەرۆک وەزیرانی ئیتاڵیا دەستی لەکارکێشایەوە.

شوبات

-لە ١ی شوباتدا کودەتای سەربازی لە میانمار روویدا و بەوهۆیەوە وین مینت سەرۆکی حکومەت دەستگیرکرا و سوپا باری نائاسایی راگەیاند و دەسەڵاتی رادەستی منی ئون هیلاینگ فەرماندەی گشتی هێزە چەکدارەکانی ئەو وڵاتە کرا.

-گەڕانەوەی ئەمریکا بە شێوەیەکی فەرمی بۆ "رێککەوتنی پاریس بۆ کەش و هەوا" و "رێکخراوی تەندروستی جیهانی" دوای ئەوەی دۆناڵد ترەمپ لێیان کشایەوە.

ئادار

-لە شاری قاهیرەی پایتەختی میسر باڵەخانەیەکی ١٠ نهۆم داڕما و بەهۆیەوە نزیکەی ٣٠ کەس گیانیان لەدەستدا.

-کەشتییەکی بارهەڵگر لە نۆکەندی سوێس گیریخوارد و بۆ ماوەی چەندین رۆژ گرفتی بۆ کەشتییەکانی دیکە لە نۆکەندی سوێسدا دروستکرد.

نیسان

-جۆ بایدنی سەرۆکی ئەمریکا، بریاریدا تەواوی هێزە سەربازییەکانی لە ئەفغانستان بکشێنێتەوە تا هاتنی ١١ی سێپتێمبەر.

-بۆ یەکەم جار ئیدارەی بایدن کوشتنی ئەرمەنییەکانی لەسەر دەستی عوسمانییەکان وەک جینۆساید ناساند.

-شازادە فلیپ هاوسەری شاژنە ئیلیزابێسی دووەمی بەریتانیا لە تەمەنی ٩٩ ساڵیدا کۆچی دواییکرد.

ئایار

-بەشار ئەسەد لە هەڵبژاردنی سەرۆکایەتی سوریادا سەرکەوت.

- ٩ هەزار کەس وەک توشبووی کەڕوی رەش لە هیندستان تۆمارکران.

حوزەیران

-سازکردنی یەکەم دیداری لوتکەی نێوان ڤلادیمێر پوتین سەرۆکی روسیا و جۆ بایدن سەرۆکی ئەمریکا لە سویسرا.

-سەرکەوتنی ئیبراهیم رەئیسی بە سەرۆک کۆماری ئێران لە هەڵبژاردنی سەرۆکایەتی ئەو وڵاتە.

تەمموز

-دۆناڵد تڕەمپ سەرۆک پێشووی ئەمریکا سکاڵای لە دژی کۆمپانیاکانی فەیسبووک و تویتەر تۆمارکرد.

-ئێران رایگەیاند، بەڕیژەی لە ٢٠٪ پیتاندنی یۆرانیۆم دەستپێدەکاتەوە.

ئاب

-دوای کشانەوەی هێزەکانی ئەمریکا لە ١٥ی ئابدا بزوتنەوەی تاڵیبان توانی دوای ٢٠ ساڵ لە شەڕ، کە بووە هۆی کوشتنی دوو هەزار و ٥٠٠ سەربازی ئەمریکی و زیاتر لە ١٠٠ هەزار ئەفغانی کە لەناویشیاندا خەڵکی سیڤیل هەبوون.

-کوژرانی ٧٣ کەس بەهۆی هێرشکردنە سەر فڕۆکەخانەی کابوڵ لە پایتەختی ئەفغانستان.

ئەیلول

-شکستپێهێنانی کودەتا لە سودان و دەستگیرکردنی ئەنجامدەرانی و دەستبەکاربوونی نەجیب میقاتی وەک سەرۆکی نوێی سودان و بزوتنەوەی تاڵیبان رایگەیاند، کە تەواوی خاکی ئەفغانستانی کۆنترۆڵکردووەتەوە.

تشرینی یەکەم

-ئەنجامدانی هەڵبژاردنی پێشوەختەی پەرلەمانی عێراق لە ١٠ی تشرینی یەکەمی ٢٠٢١.

-روودانی کودەتای سەربازی لە سودان و هەڵوەشاندنەوەی ئەنجومەنی سەروەری و ئەنجومەنی وەزیران و دەستگیرکردنی سەرۆک و سەرۆک وەزیران.

-مردنی کۆڵن پاوڵ وەزیری پێشووی دەرەوەی ئەمریکا بە کۆرۆنا.

-لە کارکەوتنی فەیسبووک و وەتسئەپ و ئینیستاگرام لە بەشێکی جیهاندا بۆ ماوەی شەش کاتژمێر و بەهۆیەوە کۆمپانیای فەیسبووک زیانێکی گەورەی مادی بەرکەوت.

تشرینی دووەم

-دەست لەکارکێشانەوەی سەرۆک وەزیرانی سوید دوای ٢٤ کاتژمێر لە دەستبەکاربوونی.

-لە ١٩ی تشرینی دووەم بۆ یەکەمجار و لەیەک کاتدا کامالا هاریس جێگری سەرۆکی ئەمریکا دووجار چووە ناو مێژووەوە بەوەی یەکەم ژن بوو بۆ ماوەیەکی کاتی بووە سەرۆکی ئەو وڵاتە و یەکەم سەرۆکی ئەمریکاش بوو کورتترین ماوەی حوکمڕانی بەڕێکرد کە تەنها ٨٥ خولەک سەرۆک بوو، ئەمەش بەهۆکاری ئەوەی جۆ بایدن سەرۆکی ئەمریکا پشکنینی هەناوبینی قۆڵۆن بە ئامێری نازۆر بۆ ئەنجامدرا و بۆ ماوەیەکی کاتی دەسەڵاتەکانی رادەستی جێگرەکەی کرد.

کانونی یەکەم

-لە ٨ی کانونی یەکەمی ٢٠٢١ ئەنگێلا مێرکل راوێژکاری پێشووی ئەڵمانیا دوای ١٦ ساڵ مانەوەی لە پۆستەکەیدا، دواجار بەهۆکاری ئەوەی بۆی نەبوو جارێکی دیکە خۆی کاندید بکاتەوە پۆستەکەی بۆ ئۆلاف شۆڵتسی جێگرەوەی بەجێهێشت.

-لە ٢٥ی کانونی یەکەمی ٢٠٢١ ئاژانسی ناسا تەلیسکۆبی جەیمس وێبی بەمەبەستی دۆزینەوەی سەرەتای کات و نهێنی زیاتری گەردوونی و شێوەگرتنی هەسارە و ئەستێرەکان رەوانەی بۆشایی ئاسمان کرد.