چاوگێکی ئەمنی لە پارێزگای سەحەلادین رایگەیاند، بەهۆی رووداوێکی هاتوچۆوە پێنج کەس کە سەرجەمیان ئەندامی یەک خێزانن گیانیانلەدەستدا و سێ کەسی دیکەش بریندار بوون.
ئەمڕۆ یەکشەممە، چاوگێکی ئەمنی بە میدیا عێراقییەکانی راگەیاند، بەهۆی رووداوێکی
هاتوچۆوە لەسەر رێگەی بەغدا – کەرکوک نزیک ناحیەی سلێمان بێگ پێنج کەس لەیەک خێزاندا
گیانیان لەدەستدا و سێ کەسی دیکەش بەسەختیبریندار بون، ئەمەش لەئەنجامی وەرگەڕانی ئۆتۆمبیلێک لەجۆری جی ئێم سی.
باسیشی لەوەکرد، تیمی فریاکەوتن گەیشتوونەتە شوێنی رووداوەکە و تەرمی قوربانیەکانیان
گواستووەتەوە بۆ نزیکترین نەخۆشخانە.
ئەمە لەکاتێکدایە، دوێنێ بەڕێوەبەرایەتی هاتوچۆی گشتی حکومەتی عێراق رایگەیاند،
بەهۆی رووداوێکی هاتوچۆوە لەسەر رێگای دیوانییە چوار کەس گیانیان لەدەستدا و پێنج کەسی
دیکە برینداربوون؛ کە سەرجەمیان ئەندامی یەک خێزانن.