ئەوەشی خستووەتەڕوو، داهاتی نەوتە فرۆشراوەکە بریتییە لە شەش ملیار و ٥٥٣ ملیۆن و ٧٦٢ هەزار دۆلار.

بە گوێرەی راگەیەنراوەکە، بڕی نەوتی فرۆشراوی کێڵگەکانی کەرکوک سێ ملیۆن و چوار هەزار و ٣٠٩ بەرمیل بووە. دەشڵێت، بڕی نەوتی فرۆشراوی کێڵگەکانی ناوەڕاست و باشوری عێراق ٩١ ملیۆن و ٦٥٥ هەزار و ٩٣٠ بەرمیل بووە.

هەر بەگوێرەی راگەیەنراوەکە، رۆژانە هەر بەرمیلێک بە ٦٩ دۆلار و ٢٣٥ سەنت فرۆشراوە.

راگەیەنراوەکە ئاماژەی بەوەشداوە، داهاتی نەوتی خاوی هەناردەکراو لە رێگەی بارهەڵگرەکانەوە ١٣٠ ملیۆن و ٩٩٠ هەزار و ٩٥٤ دۆلاری وەک داهاتی زیادە دەست حکومەتی فیدڕاڵی کەوتووە.

ئەوەشی ئاشکراکردووە، بڕی نەوتی هەناردەکراو لە بەندرەکانی بەسرە و خور عەمییە لە کەنداو وبەندەری جیهان لە تورکیا لەلایەن ٣٥ کۆمپانیای بیانییەوە کردراون.

ئەمە لەکاتێکدایە، رۆژی ٢٥ی مانگی حوزەیران بۆ یەکەمجار لە ماوەی سێ ساڵدا نرخی نەوتی خاوی برێنت بۆ زیاتر لە ٧٦ دۆلار و حەوت سەنت بەرزبووەوە. هاوکات، ئەمڕۆش بۆ یەکەمجار نرخی یەک بەرمیل نەوت ٧٩ دۆلاری تێپەڕاند.

بەپێی پێشبینییەکان لەمساڵدا بەراورد بە ساڵی رابردوو، خواست لەسەر نەوت زیاد دەکات و بڕی هەناردە کردن بۆ ٩٦ ملیۆن و ٤٠٠ ھەزار بەرمیل لە رۆژێکدا بەرز دەبێتەوە.

کـ ، ئـ