سەردێڕ:

سندوقی نەختی نێودەوڵەتی پشکی عێراقی لە سندوقەکە ئاشکرا کرد

AM:08:53:29/08/2021

4000 جار خوێندراوەتەوە

سندوقی نەختی نێودەوڵەتی رایگەیاند، پشکی عێراق لە راکێشانی پارە لە سندوقەکە بە ئامانجی سەقامگیری ئابوری و روبەڕووبوونەوەی کۆرۆنا و چارەسەرکردنی گرفتە درێژخانەکانی، زیاتر لە دوو ملیار دۆلارە.


سندوقی نەختی نێودەوڵەتی لە راپۆرتێکیدا ئاشکرای کرد، پشکی عێراق لە راکێشانی بڕی پارە لە سندوقەکە یەک ملیار و ٥٩٤ ملیۆن و ٧٠٠ هەزار یەکەیە و بەمەش دەکاتە دوو ملیار و ٢٦٤ ملیۆن و ٧٤٢ هەزار دۆلار.

ئەوەشی خستووەتەڕوو، پشکی عێراق بەڕێژەی ٠.٣٥٪ داهاتی سندوقەکە پێکدەهێنێت و ئەم پشکەش بە گوێرەی ئەو بڕە پارەیەیە کە لە ئێستادا لە سندوقەکەدا هەیە.

راپۆرتەکە ئاماژەی بەوەشداوە، ئەم پشکانە سود بەسەرجەم ئەندامانی بەشداری سندوقەکە دەگەیەنێت لە چارەسەرکردنی کێشە درێژخایەنەکان و بەهێزکردنی نەرمی ئابوری و سەقامگیری ئابوری جیهانی و روبەڕووبوونەوەی پەتای کۆرۆنا.

سندوقی نەختی نێودەوڵەتی دامەزراوەیەکی ئابوری نێودەڵەتییە و بەشێکە لە سیستمی برتۆن ودزی سەربە نەتەوەیەکگرتووەکان و بەگوێرەی پەیماننامە نێودەوڵەتییەکان ساڵی ١٩٤٤ بە ئامانجی بەهێزکردنی ئابوری جیهانی دامەزرا و ئۆفیسی سەرەکی لە واشنتۆنی پایتەختی ئەمریکایە و تیایدا ١٨٩ وڵات ئەندامن. بەگوێرەی رێککەوتننامەی پێکهێنانی سندوقەکە، دەتوانێت پشکەکان بەسەر وڵاتانی ئەندامدا دابەشبکات بە گوێرەی پشکی یەدەکی نێودەڵەتی بێ مەرج یان مەرجدار.

 

کـ ، ئـ








گەلەری