سەردێڕ:

دەمانچەی ناوخۆیی "بابل" لە عێراق بەرهەمهێنرا

PM:08:28:19/06/2022

3740 جار خوێندراوەتەوە

پیشەسازی سەربازی عێراق یەکەم دەمانچەی "بابل"ی بەرهەمهێنا و وەک دیاری بەخشییە سەرۆک وەزیرانی وڵات.


ئەمڕۆ یەکشەممە، نوسینگەی فەرمی سەرۆک وەزیرانی عێراق راگەیەنراوێکی بڵاوکردەوە و تیایدا هاتووە، مستەفا کازمی سەرۆکوەزیران و فەرماندەی گشتی هێزە چەکدارەکانی عێراق، یەکەم دەمانچەی "بابل"ی پێبەخشرا کە دروستکراوی ناوخۆییە.

لای خۆشییەوە مستەفا کازمی، سوپاسی یەکەی پیشەسازی سەربازی و ماندووبوونی کرێکارەکانی یەکەکەی کرد لەپای دەستکەوتەکەیان و پاڵپشتی حکومەتی پێشووی بۆ پیشەسازییە سەربازییەکان دووپاتکردەوە.

هاوکات، مستەفا کازمی جەختی لە گرنگی بەکارهێنانی رێگا مۆدێرنەکان کردەوە لە دروستکردنی کەرەستەی جەنگی و کۆکردنەوەی زانیاری لە توێژینەوە زانستییە پێشکەوتووەکانی جیهاندا.

ئەمەش لەکاتێکدایە، لە ساڵی ١٩٨١وە تا ساڵی ٢٠٠٣ عێراق دەمانچەی تارق کە گوللـەی نۆ ملیمی دەتەقاند، بەرهەم دەهێنا و لە کارگەی قادسیە دروست دەکرا و مەغزەنەکەی هەشت گوللـەی تێدا هەڵدەگیرا و نیمچە ئۆتۆماتیک بوو کە لەلایەن کۆمپانیای قادسیەی عێراقییەوە بەرهەمدەهێنرا و لە بنچینەدا دەمانچەیەکی ئیتاڵی بوو. دوای وەرگرتنی مۆڵەت، عێراق دەستی بە دروستکردنی کرد و لە شەڕەکانی کەنداو و عێراق - ئێران و زۆرینەی جەنگە ناوخۆییەکانی عێراق و هەرێمدا بەکارهێنراوە.













گەلەری