PM:07:40:23/05/2022
40712 جار خوێندراوەتەوە
بەگوێرەی زانیارییەکانی پەیامنێری ئێن ئاڕ تی، چەکدارانی داعش لە سنوری گوندی بەشیری سنوری کەرکوک هێرشیان کردووەتەوە سەر خاڵێکی ئەمنی لیوای ١٦ی حەشدی شەعبی و بەگوێرەی زانیارییە سەرەتاییەکان دوو چەکداری حەشد و دوو هاوڵاتی ناوچەکە کوژراون.
چاوگێک لە حەشدی شەعبی بە ئێن ئارتی راگەیاند، چوار کوژراوی مەدەنی و سەربازی لە ریزەکانی حەشدی شەعبی هەیە و دەنگوی ئەوەش هەیە دوو کەسی دیکەی مەدەنیش لەلایەن چەکدارانی داعشەوە کوژرابن.
ئاماژەی بەوەشکردووە، پێکدادان و رووبەڕووبوونەوە لەنێوان چەکدارانی داعش
و چەکدارانی حەشدی شەعبیدا روویداوە و لە سنوری گوندی بەشیری سەر بە ناحیەی تازەخورماتوو
بووە.
هەرچەندە لەساڵى ٢٠١٧ حکومەتى عێراق کۆتاییهاتنى داعشى راگەیاند، بەڵام ناو
بە ناو چەکدارانى سەر بەو گروپە هێرش دەکەنە سەر هێزە ئەمنییەکان و هاوڵاتیان، لە
ماوەی رابردووشدا هێرشەکانیان زیاتر کردووە.
دیار محەمەد، کەرکوک
ل.ل
