دەستەی کەشناسی عێراق رایگەیاند، رۆژی یەکشەممەی هەفتەی داهاتوو شەپۆلێکی دیکەی خۆڵبارین روو لە عێراق و هەرێم دەکات و لە پارێزگاکانی هەولێر و سلێمانی و هەڵەبجە و کەرکوک چڕ دەبێت و لە دهۆک چرییەکەی زۆر کەمدەبێت.
ئەمڕۆ پێنجشەممە، دەستەی کەشناسی عێراق راگەیەنراوێکی بڵاوکردەوە و تیایدا هاتووە، لە رۆژی یەکشەممەی داهاتووەوە خۆڵبارینێکی چر روو لە عێراق و هەرێم دەکات.
ئاماژەی بەوەشداوە، خۆڵبارینەکە ماوەی دوو رۆژ، یەکشەممە و دووشەممە دەخایەنێت.
هاوکات، دەستەی کەشناسی عێراق
هاوپێچ لەگەڵ راگەیەنراوەکەیدا نەخشەی خۆڵبارینەکە و ئەو پارێزگایانەی بڵاوکردووەتەوە
کە دەیانگرێتەوە و رادەی چڕی خۆڵبارینەکەشی
بە گوێرەی پارێزگاکان دەسنتیشان کردووە.
بەگوێرەی نەخشەکە، لە پارێزگاکانی هەولێر و سلێمانی و هەڵەبجە و کەرکوک خۆڵبارینەکە
چر دەبێت و لە پارێزگای دهۆک چڕییەکەی زۆر کەم دەبێت.
ئەمە لەکاتێکدایە، ئەمڕۆ دەستەی کەشناسی عێڕاق لە راگەیەنراوێکیدا
ئاماژەی بەوەدا، بەرزبوونەوەی تۆز و بوونی خۆڵ تا رۆژی دووشەممەی هەفتەی داهاتوو بەردەوام
دەبێت.