PM:04:18:12/12/2021
948 جار خوێندراوەتەوە
+
-
لە خولى نایابى عێراق، زاخۆ بە گۆڵێکى بێ بەرامبەر بە زەورا دۆڕا و نەورۆزیش
بۆ شەشەم جار توشى شکست بوو.
لە درێژەى یارییەکانى هەفتەى 12ى خولى نایابى تۆپى پێى عێراق، یانەى زاخۆ
لە یاریگاى زاخۆى نێودەوڵەتى، میواندارى یانەى زەوراى کرد و زاخۆى خاوەن یاریگا و
هاندەر، بە گۆڵێکى بێ بەرامبەر یارییەکەى دۆڕاند و بۆ سێیەم جار لەم وەرزەى
خولەکەدا توشى شکست بوو.
لە یارییەکى ترى هەمان هەفتەدا، یانەى نەورۆز لە دەرەوەى یاریگاى خۆیدا، ڕووبەڕووى
یانەى ئەمانە بەغداد بووەوە و نەورۆز بە گۆڵێکى بێ بەرامبەر یارییەکى دۆڕاند، کە
ئەمە شەشەم دۆڕاندنى بوو لەم وەرزەى خولەکەدا توشى بوو.
بەم ئەنجامانە، زاخۆ بە 19 خاڵ و بەکاتى لە پلەى حەوتەمى ڕیزبەندى
خولەکەدایە و نەورۆزیش بە 10 خاڵەوە لە پلەى 15یەمدا مایەوە.
زاخۆ تا ئێستا نازناوى خولى نایابى عێراقى بەدەستنەهێناوە و نەورۆزیش بۆ
یەکەم جارە بەشدارى لە خولەکەدا دەکات، بەڵام هەولێر چوار جار و دهۆک جارێک بوون
بە پاڵەوانى خولەکە.
گ . ف